بحبك موت

بحبك موت وموش عارف اعبرلك
وراح الكلام من لساني اللي بيه أصف حبك
وجمعت قلمي وكراستي وقلت أحاول اكتبلك
واخترت ركن من البيت وسندت ظهري على الحيط
وبدأت باسم الله , وأول ما بدأت اكتبلك
حصل اللي كنت خايف انه يحصل !
افتكرت إني موش لاقي آكل ولا أسكن ولا اتجوز
ولا لاقي البس ولا اشرب ولا اتعالج ولا اتنفس
وفي لحظة بان الغضب على إيدي وقررت اني ماكتبلك
ورميت القلم وكراستي و لعنت سلسفيل أهلك
وأخذت نفسي ورحت للقهوة علشان اشد في الشيشة
ومن أول شدة افتكرت إني بحبك مع انك بخيلة على أولادك
لأني في لحظة حسبتها صح ! لقيت العيب في حكامك
ولقيت نفسي بحبك موت وموش عارف اعبرلك